築地GINDACO (已結業)

搵完肥姐, 就繼續掃街行動第二站, 而目的地就係呢間食店, 由於師傅一路以來都好想試, 可惜苦無機會, 難得掃街當然唔會放過佢啦; 原來好友食家"乜都放入窿"之前己經試過, 佢話真係幾得架, 加上知道師傅從來都未試過, 所以就一齊試!入到店內人唔算多, 但都要排一陣隊, 之後就柯打左四粒嘅原味鱆魚丸, 等左一陣就有得食! 拍照留念後就即刻開餐, 只見鱆魚丸都幾大粒, 咬入口發覺皮夠熱, 亦夠脆, 加上唔會成口粉, 同其他街邊食店真係有分別, 口感的確唔錯, 唔使加醬味道已經夠搶, 真係唔錯!總括黎講鱆魚丸真係出色, 而服務都幾好, 加上有地方可以企喺度食, 算唔錯, 而價錢都唔算貴, 冇記錯係十八蚊四粒, 都算抵食; 對於師傅呢個大鄉里黎講, 呢個鱆魚丸真係幾得架, 有機會一定會再黎, 試下其他款式都好呀, 笑臉都係走唔甩!