石磨坊 (已結業)

掃街掃左咁耐, 大家都覺得攰攰地, 係時候搵個地方坐底, 呢個時候甜品店會係一個絕佳嘅選擇, 由於呢區冇咩太多選擇, 所以就決定黎呢間, 加上呢間係老鋪, 而師傅又從來都未黎過, 所以就更值得黎!入到去地方唔算大, 不過好好彩有位坐, 於是坐底睇下有咩好食啦, 左諗右諗, 花多眼亂, 最後師傅都係柯打左一樣最普通簡單嘅楊枝金露, 而好友食家"乜都放入窿"就好似柯打左個燉蛋白嘅東西!先講下個楊枝金露, 楊枝金露份量唔少, 味道清甜, 一d都冇黏口嘅感覺, 點解呢? 經師傅研究下發現係奶唔多, 加上沙田柚帶少少酸, 又唔會帶澀, 令到口感好清好好味, 如果可以再凍多少少就超正喇! 總括黎講甜品質素都幾掂, 而環境亦算舒服, 服務又合格, 價錢又唔算太貴, 廿幾蚊一個甜品, 可以喎; 坦白講師傅對楊枝金露一向都唔算特別喜好, 但呢度嘅楊枝金露絕對值得一試, 下次有機會一定會再黎, 笑臉梗係要比啦!