小點角落 (新都會廣場)

营业中

休息中

想食下香港地道小食，葵廣掃街真係數一數二。其實想舒舒服服坐低食下小食甜品，隔離葵芳新都會都滿足到你。葵芳新都會商場裏面嘅一個小角落，環境舒適，就係食下魚蛋燒賣，又有糖水。豆腐凍芝麻糊 (熱)以為係普通豆腐芝麻糊，出到嚟幾有驚喜，自己將熱既芝麻糊倒入凍豆腐幾過癮，而且芝麻糊夠香濃，帶出冷熱反差。菊花燉雪梨 (熱)原個燉雪梨再將菊花倒入去，的確賞心悅目，仲有埋雪耳，滋補又暖心。掃街拼盤拼盤包羅萬有，魚蛋燒賣，碗仔翅，煎釀三寶，雞翼等通通都有，而且擺到好靚仔，重點係坐定定唔使掃街，仲有創意十足既麥皮蝦芒果沙律脆筒，舒舒服服坐定定就有得食。蝦頭油撈麵撈麵有蝦頭油香，麵夠爽口，越食越惹味。瑞士雞翼港式地道小食，瑞士汁沒死咸，雞翼都大隻。楊枝甘露果凍碗楊枝甘露都係港式招牌甜品，加點心思用椰殼裝住，再整色整水，賣相即時加分。阿薩姆手打香檸茶手打香檸茶有板有眼，清清地唔重口味，岩晒小食解膩。