真‧章魚無雙 (已搬遷) 新店位置

真 章魚無雙💛學生時代每次黎葵廣都好想食，無奈價錢有d貴唔捨得。而家係附近返工，打算放工幫襯下黃色小店，就係黃list發現到佢了。章魚燒選擇非常多，原味，明太子，蟹膏，激多葱，每款都好吸引呀😍我揀左櫻花蝦味章魚燒8粒。今晚唔係好多客人，所以等左幾分鐘就有了。8粒一口size章魚燒，雖然唔係好大粒，不過勝在每粒都有真章魚呀🐙👍櫻花蝦鋪滿章魚燒面，旁邊個木魚，再加埋醬汁沙律醬，滋味無窮，令人食慾不斷😋8粒份量夠我食飽，如果大家想葵廣黃店晚餐combo既話，就要留返個肚啦😉