南亞餐廳1964 (已結業)

呢啲熱辣辣的天氣，一坐低叫左杯野飲先，朋友就堅持傳統，飲港式凍檸茶，而我就會飲椰汁冰，甜甜地，又冰冰凍，而且椰汁都幾奶滑，加左碎冰都唔會變得水溜溜叫咗個芝麻雞沙律，沙律菜幾爽，芝麻醬好配，不過雞肉嫩啲會好點。本來想試吓佢個海南雞，不過朋友見到呢度有牛扒，就話要据下扒先開心！估唔到呢度啲牛扒又幾好味喎，咬落幾有口感幾有牛味，仲有啲薯條做伴菜。最正就係個黑椒汁，好濃郁又香甜，當然都要有夠晒強勁嘅黑椒味。試吓個馬拉盞炒飯，本來以為係辣辣地的，原來唔辣嘅，炒得幾香，加左啲魷魚碎做配料，幾有嚼感，最正就係有好多粒菠蘿，食食下食到甜甜的菠蘿都幾開心。