午餐有60分鐘套餐同90分鐘放題選擇。
1
唔想食得太飽，就叫咗午市套餐A，兩份肉都要哂牛肉。星級牛肌腹較多肥膏，介意嘅朋友可能要揀其他級數嘅牛🐮
套餐以外，再用會員優惠卷換多份海鮮盒。海鮮味道好鮮甜，特別係廣島蠔🦪同扇貝，值得一試👍🏻
湯底有9款選擇，其中三款係要加錢嘅。
今次我試咗牛摩別注版嘅—博多美人骨膠原啫喱雞白湯。
湯底上嘅時候係牛摩造型嘅啫喱，再慢慢加熱成液體狀，好可愛😍
湯底味道都唔錯，口感係較黏身。加錢都算值得嘅😄
60分鐘套餐除咗定量嘅肉，仲可以任食自助吧供應嘅蔬菜、丸、麵、沙律🥗、熟食🍲、雪糕🍦、甜品、飲品🥤都幾豐富😋
1
整體來講食物味道都唔錯，性價比都算高嘅🤗
咁就食咗餐溫暖嘅火鍋再出發🙋🏻♀️
環境方面，餐廳裝修以黑色為主，一般般唔算太靚，但都乾淨整齊嘅。
服務方面，餐廳入面嘅員工係ok嘅，但門口嘅員工態度就都幾唔耐煩吓😑
價錢方面，海鮮盛合係會員優惠卷送嘅唔使錢，星級牛肌腹午市60分鐘套餐加埋一就人均$119，連埋自助吧都算抵食嘅。
