影片
更多
2017-09-30
53 浏览
家姐話請食飯，三姊妹就當然要食豪D啦～平時成日都想食日本野，但好多日本野都偏貴，特別係食刺食個D，一個學生邊捨得食呀，所以就梗係要襯有人請嘅時候去食啦～就晒我地每個嘅放工放學中間點就係大圍比較就腳。個人比較少去呢區但都有聽聞過有唔少好野食，果然名不虛傳，一出mtr就已經勁多食肆，沿路行去呢間餐廳期間都見到有幾間都好似幾吸引，有機會要去試試呢間餐廳嘅位置比較難揾，係條邨行左一陣先揾到，不過獨立一間嘅外觀好正，應該係香港唔易見到。呢度勝在坐得都幾舒服，舖位都幾大間，坐落唔會太迫，又唔會太嘈，傾下計都唔錯。呢D唔係我負責比錢嘅野，就梗係唔敢出聲講想食咩，交比出錢嘅家姐決定！一黎先係豪華嘅刺身雖然好想叫三文魚但睇到報紙最近都係唔敢叫住，唔緊要有帶子BB補償返我心靈上嘅損失我地叫左帶子，八爪魚同埋赤蝦。最鐘意帶子～超厚切用筷子夾住dun 下dun 下咁真係好治癒味道都幾鮮甜，$48 四切都幾抵，出面食個帶子手卷都要$2x，可以就咁食刺食開心D～八爪魚都幾有咬口。而蝦都幾大隻。跟住就到卷物啦。我地叫左個最近大熱嘅牛油果三文魚籽軟殻蟹卷。呢排牛油果真係超級紅，雖然我個人就唔太好牛油果嘅口感嘅，但軟殼
呢間餐廳嘅位置比較難揾，係條邨行左一陣先揾到，不過獨立一間嘅外觀好正，應該係香港唔易見到。
呢度勝在坐得都幾舒服，舖位都幾大間，坐落唔會太迫，又唔會太嘈，傾下計都唔錯。
呢D唔係我負責比錢嘅野，就梗係唔敢出聲講想食咩，交比出錢嘅家姐決定！
一黎先係豪華嘅刺身雖然好想叫三文魚但睇到報紙最近都係唔敢叫住，唔緊要有帶子BB補償返我心靈上嘅損失我地叫左帶子，八爪魚同埋赤蝦。
最鐘意帶子～超厚切用筷子夾住dun 下dun 下咁真係好治癒味道都幾鮮甜，$48 四切都幾抵，出面食個帶子手卷都要$2x，可以就咁食刺食開心D～八爪魚都幾有咬口。而蝦都幾大隻。
跟住就到卷物啦。我地叫左個最近大熱嘅牛油果三文魚籽軟殻蟹卷。呢排牛油果真係超級紅，雖然我個人就唔太好牛油果嘅口感嘅，但軟殼蟹我OK，就下家姐叫呢個試下啦～賣相都幾唔錯。食落去整體嘅口感都幾特別，如果你鐘意牛油果嘅口感嘅話應該會覺得幾正（家姐就係呢type)。
燒物方面就有呢第一次見嘅蘋果豚肉卷同埋大家都愛嘅燒菠蘿！呢個卷都幾得意，鹹嘅肉配住酸酸甜甜嘅菠蘿，係口感同味覺上嘅新感覺，雖然未稱得上係perfect match，但都算係一個頗成功嘅新嘗試。豚肉都唔會燒得太un。
燒菠蘿就唔駛講啦，完全係冇得彈，火候岩岩好呀唔會燒得太乾～唔鐘意食菠蘿但鐘意食燒菠蘿
另外仲叫左份餃子。賣相幾靚，真係炸到金黃脕，炸得幾好，唔會太乾身之餘都夠脆。可惜唔記得嘅幫佢黎個特寫。
最後黎多個主食去完結嘅個開心嘅一餐－豬軟骨拉麵。湯底唔會太鹹，可以攞黎送住麵咁食。各樣拉麵嘅料都有。個麵又唔會煮得太腍一pat pat 咁。豬軟骨唔un同埋都入味。食完就夠飽去填滿我地呢幾個大胃王
最可惜係我食唔到我親愛嘅蕃薯天婦羅，真係好傷心，中途先發現冇叫，但又見已經咁多野食唔想做眼闊肚窄鬼，唯有下次再食日本野嘅時候再叫
张贴
