影片
更多
2020-05-12
675 浏览
之前在楊屋道街市買完餸，開車走轉出沙咀道的時候，經過都見到一間搶眼招牌 『炯記』。今日抽個時間過去一試，店舖主打是「鵝油撈粗」 加四大招牌菜包括豬手 、手撕雞 、金錢肚及牛腩。 門口仲大大隻字寫手撕雞$48半隻，不過只限外賣，堂食就要$64。坐低咗講笑咁講，問可唔可以買半隻外賣手撕雞， 又再嗌麵喺度食呀！站在收銀嗰個應該係店長，佢語氣略帶點傲慢說：可以你畀64蚊就得啦後來我們叫了一碗《鴛鴦手撕雞鵝油撈粗》 一碗《豬手拼牛腩鵝油撈粗》， 當中我有問她你們店用的牛肚是什麼部位，她說：肚部囉！😢然後我都有問牛有四個胃，你寫金錢肚係咪全部都用金錢肚㗎！然後佢就話唔係呀！交貨嚟有咩用咩！ （佢可能唔知有商品說明條例）麵來，第二碗來錯了豬手拼金錢肚， 唔知係我表達錯，定係她理解錯， 還是給我干擾了她，太多不講了。在她黑面下都幫我將金錢肚換返牛腩。不過有點兒生氣一提，（在下面的評分亦扣好多），就是我們入來時，沒幫我們量體溫，都算啦！我知我自己冇發燒，而由入去一直她都沒帶口罩，仲不停好大聲咁嗌入廚房，可能因為在我食緊嘢途中有啲客入嚟，而有部分貨已經買完，他就大聲嗌去問仲有沒有，你已經沒有戴口罩啦！ 還
後來我們叫了一碗《鴛鴦手撕雞鵝油撈粗》 一碗《豬手拼牛腩鵝油撈粗》， 當中我有問她你們店用的牛肚是什麼部位，她說：肚部囉！😢然後我都有問牛有四個胃，你寫金錢肚係咪全部都用金錢肚㗎！然後佢就話唔係呀！交貨嚟有咩用咩！ （佢可能唔知有商品說明條例）
麵來，第二碗來錯了豬手拼金錢肚， 唔知係我表達錯，定係她理解錯， 還是給我干擾了她，太多不講了。在她黑面下都幫我將金錢肚換返牛腩。
不過有點兒生氣一提，（在下面的評分亦扣好多），就是我們入來時，沒幫我們量體溫，都算啦！我知我自己冇發燒，而由入去一直她都沒帶口罩，仲不停好大聲咁嗌入廚房，可能因為在我食緊嘢途中有啲客入嚟，而有部分貨已經買完，他就大聲嗌去問仲有沒有，你已經沒有戴口罩啦！ 還剛好在我座位旁邊不停大聲叫囂！想點呀！ 妳係老闆娘都係咁話！
講返兩碗麵， 因為我一講嘢食，就即刻客觀晒！
《鴛鴦手撕雞鵝油撈粗》 鴛鴦手撕雞意思就是麻油拼麻辣味手撕雞，辣用麻辣味，有點特色， 都算匹配，如果不吃得辣要留意，但亦算不上辣到飛起的程度，麻油香略少，但如果選用的麻油不夠香，強加太多量，會太油更不好， 雞肉又有咬口亦不（鞋）如果可以滑身啲更好， 加上碟頭另上會加分，合格。鵝油撈粗麵， 正常普通粗麵底但份量不少， 變身亦不會太冧，燒鵝油原來都有獨特的香味加上老抽及生抽，比東大街名店撈麵更好些，但這個價錢，如果加一條菜遠，賣上會更加吸引。
《豬手拼牛腩鵝油撈粗》 豬手果然是招牌菜既juice有咬口軟韌適中，味因配麵不用過份濃， 值得推介。雖然比較細隻，但雙拼亦有兩隻份量算合理，加上有骨碟跟夠細心，感覺桌面會乾淨。 牛腩唔知係咪因為 有更換過，六舊細細碎碎的味道正常普通。
Ps. 在接近食完, 加上她們趕著收舖，突然刮起大風，店員把外面的展示牌拿回來的時候， 可能吹倒天花冷氣機的塵，弄到有食客的食物，包括我們的湯和水都有大量黑色塵，她又幫其他食客更換新的食物， 我們可能快吃完關係，只幫我們更換撈麵的湯及水，其實食肆除了味道，招呼環境亦非常重要，如果有塵跌落嚟，亦會影響食慾。
十分滿分
形 6.5
色 7
香 7
味 8
速度 8
態度 4
裝修 7
整潔 5
性價比 5.5
回頭指數 5
Total：63分
张贴
