捌加廿陸天婦羅居酒屋 (已結業)

新年期間去市中心行街，真係一個錯誤嘅決定🥲周圍都多人到黐線😵好彩我哋食得早，唔使等位👍🏻餐廳環境裝修富有日式風格，幾靚不過座位好少，座位上面有齊唔同嘅配料，非常多嘅醬汁，大家可以自行選用，餐牌選擇都多，最平$9有交易，豐儉由人❤️🌟自選天婦羅丼 $80揀咗冷酢橘烏冬 $38，烏冬嘅口感夠彈牙，湯底清清地但唔會淡，同埋酸酸地好開胃，夏天食應該會再正啲😆天婦羅方面，我揀咗半熟蛋、日本番薯、原條穴子😚穴子好大條，炸得啱啱好，外皮薄脆，內裡肉質入口即化，而且仲keep到有魚味🥰半熟蛋睇圖就見到蛋黃流心，配烏冬食一流😳本身以為日本番薯係一粒粒果隻，但原來係一片，甜度適中，食落去好滿足。🌟A5和牛丼 $188雖然價錢有啲貴，但食落就知物有所值😍首先有個生蛋黃喺中心，仲有海量蔥鋪滿晒表面，非常有食慾🥰和牛嘅油脂分布均勻，入口幾乎即化，而邊位帶住焦香而濃濃嘅牛味😳勁正。-兩個都係套餐，有包麵豉湯、生果同埋前菜，感覺更抵😆之前食過旺角分店，今次試埋尖沙咀分店同樣咁有水準，真心推介比大家❤️