肚餓了串燒烤焗專門店 (已結業)

喺尖沙咀捉完精靈行到攰攰地緊係要食返d好野la ！ 天氣咁熱又冇乜胃口 ，最岩就係飲返杯冰凍啤酒配埋串燒！同朋友去左呢間hungry bird，貪佢近同埋多craft beer ~上到去已經有唔少人 ，個環境ok，d座位都唔算窄 ，適合知己三四人邊摸酒杯底邊吹水。叫左支NorthCoast Pranqster啤酒($59)，麥味比較重，飲完之後個口仲有餘香，岩晒鐘意啤酒的我．餐廳另外仲有好多其他款的手工啤酒，下次有機會一定要試下!飲酒點小得下酒菜。先黎一個厚切牛舌($58)間舖頭一d都唔姑寒 ，塊塊牛舌都好厚，好有咬口，配埋d香料更加冇得輸。嫌唔夠重口味唔緊要，餐廳仲有三種唔同口味的味粉比你加落去。再黎係燒辣味北海道魷魚($68)。原隻魷魚大大隻切開上 ，上枱時仲冒緊煙 ，好明顯係即叫即燒，加埋d辣汁非常刺激，辣得過癮。不過唔食得辣的朋友要小心，事關真係幾辣下。燒鰻魚($48)$48有原條鰻魚 ，性價比高！燒完之後十分香口。加埋鰻魚汁。十分配合。之後係呢個烤冬陰功黑豚肉($88)。上面有層酥皮，大大塊，督開之後係浸在冬陰功汁的豚肉加菇。豚肉好彈牙軟腍，連住少少肥肉，再一層一層瘦肉，有咬