金玥 (已結業)

最近係fb見到銅鑼灣有間餐廳搞「魔王級地獄王者挑戰」，挑戰成功會送份$198既酸菜魚，失敗既都係比$78，自問食得辣所以二話不說就約左朋友一齊去🤣魔王辣酸菜魚 $78（挑戰份量為1人份）遊戲係需要喺30分鐘內食完而且湯都要飲埋，期間係不能離開位，挑戰嘅時間可以飲嘢，但唔能加野入份魚度。一開始以為湯底平平無奇，但飲落辣胃刺激，最後我用咗10分鐘食晒啲魚，但湯真係飲唔到，食完魚個胃都有少少抽住，而且個咀勁麻🙈需要飲嘢一斷時間先可以平息番，其實個魚係好好食，魚滑而且配料都多🤤值得讚一讚嘅係，佢哋所有嘅酸菜都係自己醃製，我諗如果食正常嘅酸菜魚一定會好好食！招牌口水雞 $68店員不斷同我哋講，口水汁係獨家秘製，食落又真係幾好食😋最重要係成隻雞都係起左骨，店員話佢哋每日都情願辛苦啲起骨，就係想客人食落啖啖肉，誠意可加。帝王辣子雞 $128一放上枱，就已經聞到濃濃嘅香味，賣相亦都好吸引，夾嘅時候發現原來雞肉都好多☺️唔係一大盤辣椒，得少少肉，辣就唔係好辣，如果拎黎送啤酒真係一流。