影片
更多
2011-11-16
316 浏览
由於在開飯網得知這裡做一個長達五小時的下午茶自助餐,所以相約少婦A及太座去一試這長途賽, 本人同太座準時1點10分到達現場, 因為時間尚早現場所見客人不多, 食物枱上嘅各種食物還是很整潔排列得緊密一致, 最忙碌的要算是那位即場搾汁的哥哥, 因為除咗幾款特色菓汁要做之餘更要應付額外要求的單拼菓汁,一個人做殊不簡單,幸好天氣已經轉涼客人還是可以等的,如果係夏天一些排長龍都似,自己只試咗white angel 係椰汁/薑汁/菠蘿汁嘅混合體,不過只係覺得椰汁味搶過其他味, “椰汁”實在太強橫了,還有較忙的是生滾粥檔, 粉麵檔只是一般不太忙碌,即做甜品檔的班戟也是閒着呢!麵包的品種比想像中少, 主要有鄉村包,切得大大片的,口感OK,還有一些小包,如黑麥包-有咬口,喜歡有趙口的我當然不會放過,這個可以推介但未必會是大路之選, 還有一些西式小餐包都是一般咁啦, 麵包棒棒都會是個唔錯嘅選擇, 自切芝士反而有四款: 藍芝士/Edam Cheese/ Camembert cheese/ Orange Cheddar cheese/ White Cheddar cheese其實芝士應該擺個待應喺度幫客人切會
還有較忙的是生滾粥檔, 粉麵檔只是一般不太忙碌,即做甜品檔的班戟也是閒着呢!麵包的品種比想像中少, 主要有鄉村包,切得大大片的,口感OK,還有一些小包,如黑麥包-有咬口,喜歡有趙口的我當然不會放過,這個可以推介但未必會是大路之選, 還有一些西式小餐包都是一般咁啦, 麵包棒棒都會是個唔錯嘅選擇, 自切芝士反而有四款: 藍芝士/Edam Cheese/ Camembert cheese/ Orange Cheddar cheese/ White Cheddar cheese其實芝士應該擺個待應喺度幫客人切會好d,因為半硬芝士較難切,切得唔靚之餘重會浪費芝士, 配芝士食嘅乾菓/果仁類嘅位置同芝士又一頭一尾,唔知道嘅客人會諗:乜乾菓/果仁類同麵包夾住食?!食物擺位上犯嘅錯誤之一例,
生滾粥同粉麵檔佔用嘅位置頗大,太座話唔應該兩種同樣是亞洲的食物同場推出,說也是的應該放番個西式會較好睇亦感覺上平均一點,想平易一點做些西式嘅”蛋菜式”咪又平又飽肚囉,反正咁多人鐘意”All day breakfast”這裡嘅日式魚生柜就好細範圍,不過都有一小堆一小堆嘅已經做好嘅烏冬,由於係已經放了不知多久食味口感當然不佳啦,反而卷物可能流轉有番咁上下快,試過兩種卷物的味道還算新鮮,不過腐皮壽司就凍到入蕊,米飯早已生冷鋼了
冷盤有一些意式的燒茄子,意式青瓜,甜椒類及各款橄欖,亦有一些沾醬(pesto, red pepper pesto) 三文魚有簿切嘅煙三文及厚切嘅醃三文, 以厚切的口感及味道的為佳,
沙律菜有多款,無論係沒有撈的還是已經撈好的都有多款可以選擇,今天只有一碟嘅位置所以只嘗了一款自助沙律,沙律汁用了什麼”rose”同已經撈好嘅蘋果沙律, 蘋果沙律內有青/紅蘋果肉粒粒,有爽口感覺又有絲絲甜味, 雞胸肉粒只是剛剛好沒有太硬或者嚡口,配合西芹條食夠清新口感,雖然知道撈埋嘅Mayo係油但除了這個沒有其他更好嘅材料了Mayo配蔬菜生果是一絕呢, 其他的沒有太特別的感覺但唔會”差”,
熱薫方面試過的有:日本清酒煮本地花甲, 花甲味夠鮮, 用日本清酒去煮亦是一個幾唔錯嘅烹調方法,可惜花甲未吐清砂, 吃了不少砂礫呢, 建議不如用些新鮮來路青口效果可能會好一點,再唔係換些本地大蜆可能砂會少一點吧,點心試咗魚翅餃OK,素春卷OK但因為是素只吃到些少粉皮同蔬菜類比較”寡”! 煎牛仔骨比較乾身,汁不多但肉質尚算可以起碼有咬口得嚟夠淋身,鹵水雞翼太座話夠味又肉質緊緊熟夠滑溜,燒羊扒就睇個肉色都覺得有點過了頭,太座評”果然是嚡口兼過熟嘅羊扒, 叫我唔使攞, 福建炒飯料頭夠多個汁都幾好味,粉麵檔嘅魚片魚蛋都沒有魚味,似一舊粉頭,而貢丸/墨魚丸亦如是,食完唔知食咗乜那種感覺,粉麵就唔知啦, 因為無試食, 粥都係無試食唔知效果,
甜食方面: 酒煮班戟只有少婦A試過她沒有投訴咁就當OK啦,黃梅忌廉飯這種Rice pudding在自助餐相遇還是頭一趟,試下啦,雖然是有一堆忌廉撈埋d米飯但可能份量小不怎麼漏只係感覺些少酒香在飯內, 乳酪蛋糕, 雪白嘅外型就上個蛋糕模有十字紋看上去有點似一大磚”豆腐”,原來底層是海綿蛋糕,中間有一層紫色嘅Barries Mousse最頂才是一層乳酪忌廉, OK吧, 香茅啫喱,老實講香茅味較弱反而魚膠片做出那半凝固嘅質感幾有趣,但偏甜, 紅莓千層酥,口感幾好樣子又幾靚紅莓子乾少少酸配合得幾好,朱古力Bowie朱古力味重但也是偏甜, 新鮮菠蘿很甜美,是貴價貨那種, 蛋白天使蛋糕,少婦A食完第一啖即時眼耳口鼻乸埋一揸表情甚為難受,因為這件蛋白蛋糕是用糖綿編織出來的, 一般洋人對付蛋白就是用”糖”攻之, 我雖然看見那蛋白蛋糕有很可愛的外型但礙於怕吃到異常多糖的甜品還是不出手去拿, 似乎決定是正確的, 通常美麗都有”有罪”的,我還是選了最普通的Teacake吧了, 稍稍甜多了但未致甜死了, 質感也未算吃過最好的但也未算最差的, Scon & Coated cream 由於喜歡凝乳忌廉的豐富口感同時也必然會喜歡那Scon.朱古力軟身曲奇那份黃糖嘅黏糯口感試半片已經足夠了,Panna Cota 香草忌廉凍外型討好口感十分之Creamy但也是甜過了頭,
特色茶方面點了有機大吉嶺紅茶, 味道清一點, 茶壺份量幾大下, 飲極都重有,可能因為預咗大家長期作戰的關係,只得兩杯份量又點夠呢, 少婦A只要了杯普通嘅咖啡,可惜佢話好苦好難飲, 可入選最難飲咖啡的BEST 3,不過看食評又沒有太多食友對佢地嘅咖啡有意見喎,有時一次半次的感覺很難作準,太座對檸檬茶無意見,總結是食物品種(尤其熱薰)選擇少,甜品未見出色, 服務尚算可以, 雖然時間是很足夠了, 再來下午茶的機會不大了,因為款式比較沒有特色, 說不出哪一類食物特別有印象, 但又可以話好難食嗰隻,
或者有機會試夜宵吧
张贴
