88分鐘任食大閘蟹，出菜夠快，蟹肉又鮮甜，無論係公定係乸，隻隻都爆曬蟹膏。仲有其他任食小食（不過基本上都冇乜機會食到，因為要留肚食晒d蟹）；見隔籬枱食烤魚同雞煲，原來雞煲都好出名，聞落都好香，下次試吓先….
另外有好多任飲嘅飲品，包括黑糖珍珠奶茶、黑糖薑母茶、竹蔗茅根雪梨等，加埋$38就可以任飲青島啤酒同埋古月花雕。
值得一提係，店員姐姐啲態度非常好，周不時會主動走過來問我哋要唔要下一round.
應該會係每年嘅指定動作…
以上食評乃用戶個人意見 , 並不代表OpenRice之觀點。
讚好
用餐途徑
堂食
