Igatti (已結業)

終於都到星期五收工嘆返件甜品，甜一甜，呢間專做拿破崙，之前試過朱古力味都唔錯。而家做緊優惠18:30後第二件仲有半價，雖然淨返唔係好多選擇，但都有大熱芒果味同期間限定蜜柑味。就呢一於試兩隻味啦。😄蜜柑拿破崙$54蜜柑好甜好多汁，8月正值時令。中間係吉士醬，口感幼滑，有淡淡奶油香，唔會過甜，底層係海棉蛋糕，層層分明，酥皮焗得很鬆脆，帶少少牛油香，冇比水果弄濕酥皮。芒果拿破崙$54芒果🥭又係好新鮮，又甜又多汁，好香，酥皮薄脆，吉士忌廉好好味，滿足。位於屯門市廣場1樓Reception隔離的甜品櫃