鴻星中菜 (已結業)

好耐都未黎呢度飲茶, 細細個嘅時候, 公公帶過我黎食石頭魚餃, 記得都幾好味架。今次同媽媽同auntie再次黎到呢間酒樓, 同公公飲茶的回憶就返哂黎喇。金粟菜苗餃味道ok, 啲餡都多, 皮唔會過淋。煎蔥花蝦米腸粉, 腸粉煎得香脆, 唔油膩, 可惜份量有啲少, 可能因為係特價點心。芝士咖哩角, 咖哩角係冇加芝士嘅, 芝士係個醬, 個芝士醬都好味, 芝士味濃。如果咖哩角多啲餡就更好味!醬汁鳳爪醬汁啱啱好, 唔會太咸同太油, 墊底花生都唔錯, 好棉。紅棗糕煙煙靭靭, 紅棗味都夠, 唔會太甜。仲叫左排骨飯同其他點心, 可惜唔記得影低。石頭魚餃就冇叫喇, 希望下次再有機會黎食石頭魚餃喇!