影片
更多
2008-08-07
5 浏览
好耐冇見嘅一班朋友，約左打邊爐，就喺我公司隔離街...已經特登喺公司留多一陣（平時絕對唔會做嘅野），之後落左去打左個白鴒轉，發覺灣仔真係除左食肆同裝修舖之外真係咩都冇，最後都係死死氣咁早D去拎位。如我所料，大家都遲到，但係咁樣更有親切感，好似返左當年咁。九個人，兩個鍋，鴛鴦沙爹同鯊魚骨湯。我當然死都痴實個鴛鴦鍋，但另一個鍋已經滾到hur hur聲嘅時候，個鴛鴦鍋都完全冇聲氣，最後發覺個電子爐個位原來meh左-_-。任食，當然唔會同佢客氣，當剔到肥牛嘅時候，有位女中豪傑大叫左一聲「十碟!」。雖然即刻畀人制止左，但唻到發覺都幾細碟，不斷咁encore，到最後都真係可能叫左十碟。 肥牛細碟得唻都幾大片，唔會太薄，幾好。魚皮餃皮薄煙韌，餡就夠靚夠香，食左兩碟。炸魚皮又係另一佳作，好脆而且厚厚地，唔係薄到食薯片咁。喺湯度浸左十秒後，已經索晒沙爹味，加上少少油，簡直係人間極品。蘿蔔清甜，而豆卜、支竹、生根等等索晒湯汁亦都唔會差得去邊。墨魚滑好奇怪咁只有青芥味冇原味，幾爽口但青芥味超奇怪，隱約食到少少wasabi但總覺得怪怪地，一個已經夠了。腐竹卷睇落幾吸引，友人亦大讚好食，但見到有邪惡的西芹後就打
九個人，兩個鍋，鴛鴦沙爹同鯊魚骨湯。我當然死都痴實個鴛鴦鍋，但另一個鍋已經滾到hur hur聲嘅時候，個鴛鴦鍋都完全冇聲氣，最後發覺個電子爐個位原來meh左-_-。
任食，當然唔會同佢客氣，當剔到肥牛嘅時候，有位女中豪傑大叫左一聲「十碟!」。雖然即刻畀人制止左，但唻到發覺都幾細碟，不斷咁encore，到最後都真係可能叫左十碟。 肥牛細碟得唻都幾大片，唔會太薄，幾好。
魚皮餃皮薄煙韌，餡就夠靚夠香，食左兩碟。炸魚皮又係另一佳作，好脆而且厚厚地，唔係薄到食薯片咁。喺湯度浸左十秒後，已經索晒沙爹味，加上少少油，簡直係人間極品。蘿蔔清甜，而豆卜、支竹、生根等等索晒湯汁亦都唔會差得去邊。
墨魚滑好奇怪咁只有青芥味冇原味，幾爽口但青芥味超奇怪，隱約食到少少wasabi但總覺得怪怪地，一個已經夠了。腐竹卷睇落幾吸引，友人亦大讚好食，但見到有邪惡的西芹後就打左退堂鼓。點左娃娃菜、莧菜、生菜，全都幾新鮮。雖然唔明點解，但蟹柳同金菇菜又係別人必叫嘅野，味道咪又係咁，好食咩? 叫左冇所謂，但最驚蟹柳滾到爛晒，夾D咩都有一絲絲蟹柳痴住左。
水晶包又係令到大家顛倒眾生嘅一樣野。可能係好特別大家encore了好幾次，但其實唔覺得太好食。個皮過厚，餡得好少而且唔係咁好味道。食水晶包還是蒸的較好，用唻打邊爐只係攞綽頭。其實之前喺有骨氣食過一次，所以睇唻而家都幾普遍，實在唔明白。但最大家食得開心係最重要嘅。
丸類（貢丸、魚蛋同墨魚丸...）反而一般，全部都唔太夠彈牙。醬爆豬肉丸大大粒，滾完後再漲大D，真係有D驚佢會爆炸。都仲有幾款有餡嘅丸，味道還好，但餡全部都好少，同埋都係太林。鯪魚球有D強差人意。友人J仲叫左個雞腰子（英名都係kidney），點知唻左雞子-_-。
九點半前埋單，任食每人講就話$96（平日$86）。點知原來加埋D湯底、醬芥、酸菜嗰D要加成$22。計完一輪婆毑數後，發覺on top of嗰$22仲收多左我地$10，問一問原來佢話我地要左個醬料盤。佢一開始就放左個盤喺我地張枱隔離又冇解釋清楚，當然以為係包埋，點知佢話嗰$22所包嘅所謂「芥」只不過係鼓油，要其他就要每人加錢，我地就咁「拾下拾下」畀人地呃左。...最後廢事同佢嘈，只好乖乖畀錢。其實一路服務都幾好，只係計錢方面好誤導性同埋D部長埋單時嘅解釋個個都有少少出入咁...。
笑臉係畀唔錯的食物，同埋同朋友傾得好開心。以前的廿四個人，當晚只有九個，但都好開心，好似返左昔日嘅感覺，發覺得真的 好 懷 念 以前的生活...
张贴