老闆火鍋冰室

营业中

休息中

是日黎左老闆冰室度食晏，貪佢價錢大眾化，午餐四十幾蚊起。店內坐位都幾濶落，裝修走懷舊路線，感覺很不錯。午市餐牌去到5點，之後晚上做火鍋。枱與枱間都算離幾遠。是日點左太極鴛鴦炒飯+老闆招牌凍啡，送例湯。例湯係合掌瓜紅蘿蔔豬骨湯，湯頭鮮甜味濃，好飲喎。炒飯幾大碟，個飯壓到好厚㗎。多汁正啊，最鍾意撈汁食飯。白汁大大隻蝦好爽口，仲有菇片同翠玉瓜，個汁鹹鹹地好味。紅汁係蕃茄雞絲，雞肉嫩滑汁帶酸，同樣好好送飯，加上炒底飯夠香口，好快就ko左碟飯，好味嘛。凍啡香濃不苦澀，招牌野果然無失望，冰凍好飲，唔怪得枱枱都叫凍啡！午餐餐牌多選擇～午市不用加一。