名館 (希慎廣場) (已結業)

同事今日放工帶我嚟食飯，佢十分推薦呢度嘅酸菜魚，就帶我一齊嚟食下。黎到見餐廳都幾大，又好多選擇，真係唔錯。招牌酸菜滑魚片，成個爐拎上嚟嘅感覺就係相當雅緻高貴，呢一味菜係可以揀辣嘅程度，我地今次揀咗少少辣，魚片真係好滑，都好薄相當考刀功，下層仲有啲薯粉好入味 ，仲有大量既酸菜。蒜蓉粉絲蒸元貝，價格合理$88有四隻，蒜蓉既味道滲透粉絲，非常入味，元貝好新鮮。文昌雞半隻，肉質嫩滑，油脂分布平均，雞皮夠薄而多肉。石鍋鮑魚雞粒炒飯，有幾隻原隻小鮑魚，石鍋上仲有香脆飯焦，鍾意煲仔飯感覺或者食飯焦一定要點，飯量非常多，炒飯粒粒分明，仲有好多青豆粒同粟米，口感豐富。最後點左個甜品，七彩鬆化蛋散。