地茂館甜品

营业中

休息中

天氣開始入秋涼涼哋，又有啲乾燥，最啱就係食返啲糖水滋潤吓！呢間傳統糖水舖喺九龍城已經開咗好多年，佢有傳統嘅中式糖水，亦都有新式甜品選擇。平時假期嚟親都要排一陣隊先入到去食，今次嚟到都唔例外。嚟親呢間糖水舖我都係食佢哋嘅招牌蛋白杏仁茶，今次再加左小丸子（要另加$6）。另外再叫咗一碗腐竹薏米白果糖水。～招牌蛋白杏仁茶係我最鍾意嘅糖水之一，佢嘅杏仁茶濃稠度剛剛好，加左蛋白嘅杏仁茶嫩滑香濃；小丸子亦好軟糯。～腐竹薏米白果糖水好足料，腐竹完全溶化喺糖水入面，口感潤滑香。呢兩款糖水真係好適合而家嘅乾燥天氣，滋潤又養顏。