SHY Xpress (已結業)

星期六都要返工，放工後兩口子去了大角咀搵食，見到一間小店門口介紹有蛋包飯食，老公肚餓好想有飯落肚就入去試下啦。店子很少，只有數個座位，相信主要做外賣為主。老公要了一客牛扒蛋包飯，我唔係太餓，見有招牌蛋牛治便試下，再加多客Buffalo Wings兩份食。蛋牛治烘底無令人失望，熱辣辣聞到好香蛋味，鮮牛肉好滑易入唔會咬唔開，多士脆口，餡料豐富，好似我咁唔大食都足夠。老公話個蛋包飯就有進步空間，雞翼好大隻呀，望上去好抵食，但又可能太大隻關係，唔係好熟得透同埋唔係好入味，不過個汁都唔錯。唔知個位年青人係唔係老細，見佢好落力又要整食物又要招呼客人，我們都喜歡幫襯小店支持小商戶的，希望佢哋繼續努力炮製多Ｄ美食啦。