吉列牛忌廉烏冬專門店 (百樂中心) (已結業)

呢間吉列牛我已經book mark 左好耐, 今日終於約到朋友一齊黎食嘞 ! 今次我地去左位於銅鑼灣耀華街既百樂中心分店, 位置勁方便。一場黎到當然要試佢地既招牌菜式啦 ! 吉列牛定食 $246 - 吉列牛既分量都幾多, 最特別係用一個石燒板自己再燒熟, 所以生熟度由自己控制, 牛肉非常嫩滑, 而且肉汁豐富, 仲可以配埋芥末醬同食, 別有一翻風味 。跟餐附有熱辣辣既麵豉湯 仲有新鮮爽甜既小蕃茄 同嫩滑既日式麻醬豆腐作為開胃前菜。而白飯上仲放滿飯素, 令到口感層次更加豐富。雞軟骨餃子 $38- 餃子皮煎到脆卜卜, 外脆內軟又juicy, 唔錯。咖哩忌廉烏冬 - 呢個定食仲有一碗烏冬。  烏冬造型夠哂特別 ! 滿滿既忌廉內原來隱藏住咖哩牛肉烏冬 ! 咖哩是偏甜而帶少少微辣, 每條烏冬都掛滿湯汁, 勁Creamy好好味。 Passion Punch $38 - 外型勁靚, 用黎打卡一流 ! 入口酸酸甜甜, 大推 ! 日本梅子梳打 (有酒精) $58 - 入口有淡淡既梅子味, 少少既酒精, 女仔飲啱哂。