阿元來了 (北街)

营业中

休息中

仲記得以前西營盤個陣細細間，真係成條巷都係人排隊。搬左去堅尼地城之後都食過三次，大間左，自動化左，排快左。😢我最掛住的芋圓$32，竟然水準下降。搬鋪前的芋圓真係同台灣的好似，話台灣直送我都信架，口感黏韌，帶少芋香，黑糖甜湯味濃郁。而家就芋圓份量少，扁踢踢，痴埋一齊，咬落唔同了，唔煙韌，黑糖水仲好稀好稀。唔好食，唔抵食！試埋魯肉飯$29，都仲保持水準。肉汁一樣入味，我自己就幾中意加$10加菜加蛋，唔洗叫兩碗嘛～綠茶好飲，其他野食都叫正常，無令人失望的。