影片
更多
2023-05-07
25 浏览
一向都知台灣人特別中意食鍋物，而臭臭鍋就係其中一款，今次嚟到於將軍澳嘅湯•米食佢哋嘅台式火鍋，湯•米主打一人一鍋台式鍋物，有多款特色湯底任君選擇，唔洗考慮各自口味，大家各自揀翻自己鍾意嘅湯底，輕鬆解決兩個人口味不一嘅世紀大難題😌一個人享受火鍋時光又得，同朋友一齊嚟打邊爐亦得✌睇睇餐牌，招牌臭臭鍋、沙茶牛肉鍋、泰式海鮮鍋、韓國泡菜鍋、藥膳豚肉鍋、咖哩奶蓋鍋、巴蜀烤魚鍋...咁多款五花八門嘅湯底，感覺就好似個火鍋展覽咁😂不過我係衝住臭臭鍋嚟嘅，好快已經揀好，反而有選擇困難症嘅朋友猶豫咗一陣要叫邊款好😯另外菜單上清楚標明每款鍋底嘅配料，每份鍋底大概有十多種配料，可以一次過試到多款不同美味，而每份火鍋都免費跟飯或粉絲一份，除咗可按喜好升級做滷肉飯及選擇湯底辣度外，仲可根據需要再額外加配料 (我哋加配咗海鮮併盤) 更能自助混合醬汁💕 (七味粉、沙茶醬、蒜蓉、豆瓣醬) 自由度好高的呢👀身為台式經典，味道奇特濃香係臭臭鍋嘅特式，令人欲罷不能😆整鍋一上嚟就被香氣佔領 (呢陣味係越聞越上癮) 入面嘅臭豆腐同滷大腸配上特調嘅湯底，令整體風味十分獨特，味道唔會特別辣🙌 除咗臭豆腐同滷大腸，仲有牛肉片、鴨血、
一向都知台灣人特別中意食鍋物，而臭臭鍋就係其中一款，今次嚟到於將軍澳嘅湯•米食佢哋嘅台式火鍋，湯•米主打一人一鍋台式鍋物，有多款特色湯底任君選擇，唔洗考慮各自口味，大家各自揀翻自己鍾意嘅湯底，輕鬆解決兩個人口味不一嘅世紀大難題😌一個人享受火鍋時光又得，同朋友一齊嚟打邊爐亦得✌
睇睇餐牌，招牌臭臭鍋、沙茶牛肉鍋、泰式海鮮鍋、韓國泡菜鍋、藥膳豚肉鍋、咖哩奶蓋鍋、巴蜀烤魚鍋...咁多款五花八門嘅湯底，感覺就好似個火鍋展覽咁😂不過我係衝住臭臭鍋嚟嘅，好快已經揀好，反而有選擇困難症嘅朋友猶豫咗一陣要叫邊款好😯另外菜單上清楚標明每款鍋底嘅配料，每份鍋底大概有十多種配料，可以一次過試到多款不同美味，而每份火鍋都免費跟飯或粉絲一份，除咗可按喜好升級做滷肉飯及選擇湯底辣度外，仲可根據需要再額外加配料 (我哋加配咗海鮮併盤) 更能自助混合醬汁💕 (七味粉、沙茶醬、蒜蓉、豆瓣醬) 自由度好高的呢👀
身為台式經典，味道奇特濃香係臭臭鍋嘅特式，令人欲罷不能😆整鍋一上嚟就被香氣佔領 (呢陣味係越聞越上癮) 入面嘅臭豆腐同滷大腸配上特調嘅湯底，令整體風味十分獨特，味道唔會特別辣🙌 除咗臭豆腐同滷大腸，仲有牛肉片、鴨血、台灣貢丸、娃娃菜、雲耳、金菇、冬菇、鳴門卷等等，滿滿一鍋好豐富！
朋友叫咗香辣牛肉鍋，份量同臭臭鍋一樣咁實在，可以滿足大啖大啖食肉嘅快感💯牛肉香味喺口中四散，附送嘅粉絲吸收香辣湯底嘅香味，值得推薦😋朋友揀咗中辣，佢話呢個辣度啱啱好，過到辣癮又唔會太刺激，用筷子翻一翻個底，見到入面仲有好多配料🧐幸好火鍋嘅熱力啱啱好，火力足又夠安全，唔會滾倒瀉哂 (當見到湯底沸騰起嚟瞬間感覺好幸福的)
食火鍋當然要配杯台式飲品先夠完滿啦😚佢哋嘅飲品選擇都唔少，多數以茶飲為主，我哋叫咗哇滿杯菠蘿同滿杯紅柚子，兩者同屬沙冰，清爽解渴，配上重口味嘅臭臭鍋就最好了🤭除咗火鍋外，餐廳亦提供不少台式小食，當中我哋叫咗酥炸花枝墨魚丸+鹽酥金針菇及冬菇，特別推介炸菇，又香又多汁，同我當年喺臺灣夜市食嘅味道差無幾，感覺一秒回到台灣旅行時，有種喺台灣旅行嘅錯覺✈
张贴
