小神燈新派飯館 (已結業)

「村長」成日都話將軍澳多美食，的確係！除咗大型商場多食肆，就算屋村商場亦不難搵到好嘢食呢晚就同家人嚟到位於彩明商場嘅 小神燈新派飯館，裝修格局以香港獨有嘅大排檔作靈感，製作傳統粵菜外，亦提供不少創新菜式🥢糯米炒糕蟹 - 飯底選用泰國糯米，大廚堅持生米炒成熟飯，口感煙韌。再配以本地咸淡水膏蟹，肉質嫩滑，啖啖蟹膏，蟹汁渗透飯粒中，令每一口飯都咁惹味，必食推介👍🥢廚皇豉椒炒鵝腸 - 大排檔必吃小炒，估唔到嚟到新派飯館一樣食到！豉椒爆炒夠鑊氣，鵝腸夠爽彈多汁，而份量亦都唔少🥢蔥蒜水晶雞 (半隻) - 選用走地三黃雞，雞肉和雞皮同樣嫩滑，再配上大量蔥蒜，好味到食唔停口！🥢懷舊蝦多士 - 酥脆鮮甜，蝦膠夠爽彈，小食之選🥢避風塘茄子粒 - 色香味俱全，茄子粒夠香脆，避風塘料如果再多啲會更惹味🥢五味醬香骨 - 用南乳先醃製再油炸，令醬香骨香脆惹味，滿滿南乳嘅香味