影片
更多
2013-05-25
245 浏览
1月15日, 今晚去九龍灣睇戲, 為滿足呀菲最近嘅熱狗癮, 於是嚟咗呢間熱狗專門店搵食~ 呢度店面細細, 座位唔多, 檯與檯之間空間狹窄, 好彩都比我地搵到兩個位坐下.::: 芝士蘑菇熱狗 + 蜜糖雞翼 + 可樂 ::: $45呢個肉醬熱狗有法蘭克福腸加肉醬芝士同蘑菇, 望落同招牌熱狗只係多咗d罐頭蘑菇片… 不過眼見條熱狗腸同醬汁餡料都啱啱好可以覆蓋晒成個熱狗包嘅~ 包身烘得微脆, 熱狗腸亦夠脆皮, 不過面頭d肉醬同招牌熱狗一樣都係比較稀, 肉醬偏甜但食唔出有肉味… 芝士味亦都唔夠濃, 罐頭蘑菇都唔好期望有d咩特別喇… 整體都只係ok啦~小食蜜糖雞翼一客三隻, size偏細, 應該係整咗好耐再叮番熱嘅… 有d蜜糖沉晒落兜底, 雞翼皮唔脆雞肉又乾瘦… 勉強蘸上蜜糖嘅外皮叫做甜甜地… 但其實質素真係同便利店叮叮貨色咁上下… 仲要$20得3隻唔係好抵…::: 招牌熱狗 + 厚切薯條 + 西柚汁 ::: $42招牌熱狗其實等如芝士蘑菇熱狗無咗蘑菇… 不過醬汁同餡料都好似少一大截. 包身依舊烘得脆身, 不過同芝士蘑菇熱狗比, 呢個招牌熱狗就真係省唔靚個招牌喇…薯條厚切就厚切, 不過無乜色水, 炸
::: 芝士蘑菇熱狗 + 蜜糖雞翼 + 可樂 ::: $45
呢個肉醬熱狗有法蘭克福腸加肉醬芝士同蘑菇, 望落同招牌熱狗只係多咗d罐頭蘑菇片… 不過眼見條熱狗腸同醬汁餡料都啱啱好可以覆蓋晒成個熱狗包嘅~ 包身烘得微脆, 熱狗腸亦夠脆皮, 不過面頭d肉醬同招牌熱狗一樣都係比較稀, 肉醬偏甜但食唔出有肉味… 芝士味亦都唔夠濃, 罐頭蘑菇都唔好期望有d咩特別喇… 整體都只係ok啦~
小食蜜糖雞翼一客三隻, size偏細, 應該係整咗好耐再叮番熱嘅… 有d蜜糖沉晒落兜底, 雞翼皮唔脆雞肉又乾瘦… 勉強蘸上蜜糖嘅外皮叫做甜甜地… 但其實質素真係同便利店叮叮貨色咁上下… 仲要$20得3隻唔係好抵…
::: 招牌熱狗 + 厚切薯條 + 西柚汁 ::: $42招牌熱狗其實等如芝士蘑菇熱狗無咗蘑菇… 不過醬汁同餡料都好似少一大截. 包身依舊烘得脆身, 不過同芝士蘑菇熱狗比, 呢個招牌熱狗就真係省唔靚個招牌喇…
薯條厚切就厚切, 不過無乜色水, 炸得夠乾但係唔夠脆~ 好普通…
一場嚟到呢間主打熱狗嘅專門店諗住食d有質素嘅熱狗, 不過原來佢只不過係一間普通又求其嘅熱狗快餐店… 連招牌嘅熱狗都唔可以令人留下好印象, 又點會再有翻食嘅意欲?
张贴
