Eggslut (已結業)

上次去東京都bookmark 咗會食呢間，不過最後都係無食。初初香港開分店嗰時勁多人排隊，我一定唔會排😅，昨晚經過「eggslut」無乜人，仲有位坐添，所以就⋯⋯招牌炒滑蛋三文治 - 呢個好食👍🏻，唔怪之得係招牌，麵包好鬆軟，炒蛋好滑而且都幾多，醬汁都出色，仲有啲炒過嘅洋蔥，味道有少少辣味（好少啫）不過真係幾好食，但係呢個麵包要$69就有啲貴，又唔可以話唔值，只不過成個感覺覺得貴⋯⋯哈哈！但係我係會再嚟食😂因為我真係幾鍾意食。雞肉腸蛋芝士三文治 - 不過不失，始終招牌炒滑蛋三文治出色好多。松露迷你薯餅 - 淡淡松露香味，唔知係咪係今次員工有少少失手，薯餅好咸，仲幾油，唔太建議食（為咗個腎着想）。