新記煲仔雞粥 (已結業)

每次講起元朗雞粥都會想起這間招牌鹹🐔粥，今日終於忍唔住要出來吃返碗。貴妃雞粥$52粥底係用藥材熬成，淡淡藥材味，夠棉滑，加埋嫩滑新鮮的鹹雞，真係無得輸。海蜇手撕雞$52同一般手撕雞唔同，加入了五柳條，撈埋爽口海蜇，甜甜地，但就唔太覺得有酸味。酥炸魷魚鬚$ 55魷魚鬚炸到金黃色，加入椒鹽夠濃味，重點係無雪味，口感好好。椒腐乳通菜$42每次必點大大碟的通菜，腐乳帶有酒香味，不會死鹹，炒得夠火候，抵食！雖然係粥店，但小菜款式都唔少，而且有大排檔的火候，可以滿足唔同要求。