源記喳咋 (已結業)

同朋友食完午餐之後，其實我就唔太飽，所以拉埋朋友食糖水。來到油麻地附近，知道源記喳咋都幾出名，同朋友再戰下午茶。合桃糊(凍) - 朋友叫左合桃糊(凍)，凍的合桃糊上面凝固左一層薄膜，個層薄膜比較濃味，要撈好再食會好D 。合桃糊味道幾香，唔會太甜。喳咋(凍) - 當然要試馳名的喳咋，凍食都唔錯，加埋花奶夠香滑，而且都足料，有多款唔同的豆類，食完夠飽又好味。值得一讚係凍的糖水都唔會話勁冰，反而係微凍，食得比較舒服。整體而言，雖然坐位唔多，價錢都唔算特別平，但中式甜品算做得唔錯，推薦試下招牌喳咋。