那個ㄋㄚˋ ㄍㄜ˙ (埃華街) (已搬遷) 新店位置

好食又特別既台灣小店，encore左兩次。平日黎一定要等好耐位，不過疫症期間，竟然有位。以前成間鋪本身都未必有20個位，仲拎左兩張枱4個位出黎擺口罩同搓手液，搬咗舖又再黎試，一樣保持到咁高水準。黎3次都必叫排骨飯，冇咩係第2度食過尼個味道，好好食。不過有時塊排骨會老左少少，唔夠林。塊排骨大都不得了，下面鋪左5種配菜：甜不辣、芽菜、辣粉絲、豆腐同青豆（有記錯既可能），連飯一齊食好有口感，配菜下面就係飯。好彩飯少，唔係我就食唔哂。野飲方面，唔算好特別，但係叫一杯台式飲品，成個午餐好似先叫完美🥳