影片
更多
2017-09-24
401 浏览
睇到報導日本米🐷一首間拉麵名店喺尖沙咀開分店，人一世物一世，本住上至懷石下至推車仔都要試嘅精神，又去試下先。是日首天開張，十一點開門我十一點半左右到，已經座無虛席，仲有十個人喺前面排隊。人係要堅持原則，如等超過半個鐘就龍肉都唔食。又好彩二十分鐘唔洗就有位，期間帶位姐姐亦親切有禮地比定餐牌點單再賞金先惠，所以都唔覺排得耐。進入店內裝橫可以，店仔細細一共有三十個位左右不設卡位，全部孤獨食。不過勝在中間bar枱可以睇曬全個製麵過程，衞生保證之餘亦可偷師。又到點餐時間，由於比較鐘意濃味同粗身麵，本來想點個味噌湯底，但之前做過功課，日本本店得一米嘅係醬油松露湯底，而味噌湯底係尖沙咀新店限定，即係連日本都冇，基於過往經驗中伏指數奇高，老老實實$150碗麵無謂做白老鼠啦，叫返撚手嘢穩陣。最後點咗「醬油味肉叉燒拉麵」「炙燒骰子肉」呢兩個師兄推介。等食期間服務一直好好，保持日式料理水準，但座位直係太窄啦，我一人被安排坐喺出菜巷旁，成日怕個手振振嘅侍仔哥哥一碗霖埋我度，所以要45度坐。同埋一直比個風口吹住冇得避凍到騰騰振，拿拿臨問佢攞杯熱茶暖吓。之後發現成半數人都要熱茶🍵，仲有人吹到要換位，大熱天時真係要
是日首天開張，十一點開門我十一點半左右到，已經座無虛席，仲有十個人喺前面排隊。
人係要堅持原則，如等超過半個鐘就龍肉都唔食。又好彩二十分鐘唔洗就有位，期間帶位姐姐亦親切有禮地比定餐牌點單再賞金先惠，所以都唔覺排得耐。
進入店內裝橫可以，店仔細細一共有三十個位左右不設卡位，全部孤獨食。
不過勝在中間bar枱可以睇曬全個製麵過程，衞生保證之餘亦可偷師。
又到點餐時間，由於比較鐘意濃味同粗身麵，本來想點個味噌湯底，但之前做過功課，日本本店得一米嘅係醬油松露湯底，而味噌湯底係尖沙咀新店限定，即係連日本都冇，基於過往經驗中伏指數奇高，老老實實$150碗麵無謂做白老鼠啦，叫返撚手嘢穩陣。
最後點咗「醬油味肉叉燒拉麵」「炙燒骰子肉」呢兩個師兄推介。
等食期間服務一直好好，保持日式料理水準，但座位直係太窄啦，我一人被安排坐喺出菜巷旁，成日怕個手振振嘅侍仔哥哥一碗霖埋我度，所以要45度坐。同埋一直比個風口吹住冇得避凍到騰騰振，拿拿臨問佢攞杯熱茶暖吓。之後發現成半數人都要熱茶🍵，仲有人吹到要換位，大熱天時真係要改善吓，唔係冷病啲老闆就唔好啦。
等左十五分鐘左右，期間望住啲師父整麵嘅步驟，有一位操日語嘅師傅坐陣，即時信心高咗。其他都係熟手陀地師傅，明顯地日本師傅喺麵嘅瀝水方面有獨門手法，同本地師傅唔同。
💪🏽👌🏼👉🏼👍🏼👇🏻👊🏻✊🏾👏🏻👎🏻💪🏽👌🏼
老實講拉麵呢家嘢，配方材料份量工序如果一樣，個人認為做出來唔會差太遠，當然高手達人專業到水質都分到嘅就另計。唯一可以睇功夫嘅就係瀝水，脫水份量可以影響麵本身吸收多少湯汁同個湯嘅濃稠度。當然各施各法冇絕對，食落肚先定輸贏。萬眾期待嘅拉麵終於出場！
「醬油味玉叉燒拉麵」
評分：9/10不負米🐷一星之名
賣相平凡樸實，不過不失。但一上來已嗅陣陣松露味撲鼻而來。忍唔住馬
上試吓個湯頭。
淡淡醬油色泛著一點點松露油脂，但不影響佢嘅清澈。一入口陣陣松露味久久不散，醬油嘅咸味雖成為陪襯卻更提高左松露嘅味道，真係啱啱好。
但點解個松露香味可以提升到咁高呢？當然秘方唔會話我知啦，不過當我食完面頭嘅綠色香菜之後再試一啖湯，不得之了，味道升華到叧一境界，松露味喺口腔內不斷湧出，真係味王上身咁濟！
問問師傅咩菜嚟，竟然話係西洋菜嫩芽部分，係真唔係呀？街市賣果啲喎？所以有時食材嘅配搭真係估佢唔到。
之後到麵，麵幼身得黎偏硬亦吸到湯汁
，個人感覺係正嘅，不過感覺比一蘭個吸附力差少少(瀝水關係？)，但個湯真係太正，所以完全扣唔到分。
之後到配料啦，先試糖心蛋。
流心程度一流，睇相感受唔形容啦。味道唔咸亦唔太甜，啱啱好！
之後到另一主角薄切叉燒，大大塊有成四片喎，感覺份量仲多過麵！
肉質爽口唔痴牙，每舊邊邊啦住少少肥肉，味道亦適中，好配呢種薄切做法，又值一星。
基本上全個麵都好滿意，就算帶住米🐷一去品評亦交足功課。
要雞蛋挑骨頭嘅就係個蔥絲點解會咁粗而且唔夠乾身，令到好多多餘嘅水份破壞咗個平衡。
「炙燒骰子肉」
評分：2/10原本有4分，但背負一之名又係招牌菜之一，遺憾地只能比2分啦。
首先個賣相，只能用一堆去形容。個蔥又要再講一次，點解要用洋蔥絲唔用白蔥刨幼絲呢？成件事好亂呀。
之後試味，個肉其實係同湯麵個叉燒一樣，未上菜前見個師傅開火槍係咁燒💥好大期望，以為會脆皮腩仔咁卜卜聲。一夾起得一面啡啡地，得燶味冇趣味，一個平面好似有六面架喎師兄，玩骰仔都唔會全部得一啦。
咬落口，凍嘅。同個出色嘅拉麵反差太大，其他什麼醬汁味道已經唔再重要，為左世界上鬧飢荒嘅兒童夾硬食埋佢。
最後為咗向製作呢碗出色拉麵嘅師傅致敬，無須言語，全碗見紅。
總體而言，呢度嘅招牌拉麵真係值一星嘅，但呢把雙面刃亦令人對佢整體有好大期望，始終係第一日，未來希望佢可以放更多心機喺其他菜式同體貼客人方面，唔係喺香港呢個飲食戰場收得$149碗拉麵，真係會有好大挑戰。
张贴
