亞金南洋茶室 (元朗廣場) (已結業)

點左兩個餐招牌叻沙和泰式鮮蝦炒金邊粉，加$20沙嗲雞肉串燒和加$39炸蝦餅，飲品可唔加錢轉特飲，另外加兩碗糖水。泰式鮮蝦炒金邊粉，蝦大大隻，有炒蛋和豆乾，金邊粉炒到酸酸甜甜幾開胃，金邊粉麵條軟熟又夠味道。招牌海鮮叻沙有蝦，魷魚，蟹柳，魚片頭，雞蛋和豆卜，蝦2隻爽彈又新鮮，麵有油麵和米粉幾正，湯底又唔辣又好好味。沙嗲雞肉串燒，雞肉嫩滑又入味。炸蝦餅炸到好香口。龍眼冰有龍眼肉又夠濃郁。桔仔冰好開胃酸酸甜甜。星加坡嬤嬤喳喳有香芋丸，番薯丸，紅豆和涼粉，香芋丸和番薯丸煙韌，紅豆軟綿綿好好味。白玉仙草有涼粉，龍眼肉和椰果。