文記車仔麵 (福榮街)

依一間車仔麵線喺深水埗區一直都好出名，每一個星期六日都有好多旅客特登過嚟食。而且佢哋嘅設計，一邊就係老店，令一邊就係新開嘅創新小店，邊邊有位就可以去邊邊食。

叫咗佢哋好出名嘅滷水雞翼，顏色好深，食落去絕對會令人驚喜。好耐冇試過咁好食嘅滷水雞翼，真係煮得好入味，而且多咗嘅瑞士汁仲可以用嚟撈河粉。車仔麵方面叫咗魷魚同埋豬手。魷魚辣辣地好彈牙，豬手大大隻，增加番啲骨膠原！而且湯底亦都好好飲，絕對係本地人都會推薦嘅餐廳！

1