樂茶軒 (香港公園)

营业中

休息中

去過樂茶軒唔止一次，通常都係喺度招呼客人，特別係外國人。因為首先佢坐落喺香港公園裏面，環境非常舒服，餐廳裏面嘅裝飾亦都好雅致，喺度享受吓食嘢嘅環境已經好滿足。坐低首先要好有耐心咁揀一款喜歡嘅茶葉，佢嘅茶葉餐牌非常詳細，係打開話題嘅好機會。而每張枱佢都會準備一個水煲，等你可以自己加水沖茶，呢個過程好多人都覺得好好玩。呢間係素食店，佢嘅點心份量都比較少，味道亦比較淡。今次我叫咗薑汁素肉小籠包、香煎芋絲、粟米餅、素卷、鹹水角、燒賣⋯⋯等等，配合唔同嘅茶感覺特別清新。綠茶軒係一個放鬆傾偈嘅地方，如果想有多啲唔同味道嘅刺激，咁就可能揀返傳統酒樓會啱啲。