梅丘壽司の美登利総本店 (雅蘭中心) (已結業)

旺角真係好多嘢食！今次又發現咗一間日本餐廳幾高質！梅丘壽司之美登利総本店，位置係旺角雅蘭中心入面！淨係個環境已經令人覺得美輪美奐！店舖好似去咗日本咁！充滿日本文化！今次直情叫咗成個拼盤！作為望住餐單都會有選擇困難症嘅我！揀咗個特性手握壽司盛合！入面大概有鰻魚，帶子，拖羅，三文魚子，我最鍾意食嘅海膽同甜蛋，整體味道都ok海膽都新鮮唔會腥，打卡影相一流！之後再叫咗個海膽三文魚子拖羅三用拼盤，呢隻海膽好鮮甜，加上三文子甜度啱啱好、再叫咗個牛油果蟹子沙律盤，牛油果鮮甜飽滿！蕃茄仔同甜品配合得天衣無縫！再配上日本蟹柳味道層次出哂黎！最後再叫咗個吉烈炸生蠔，炸粉唔會好厚生蠔冇腥味味道鮮甜！雖然係炸物但係都feel到生蠔嘅新鮮！最後再叫咗個茶碗蛋蒸，蛋味濃郁，配料有蘑菇香蔥，好鮮味！仲叫咗個冷盤海帶八爪魚魷魚，味道清新！