影片
更多
2019-07-17
1874 浏览
之前去過佐敦醉瓊樓食過好抵食嘅碟頭飯，期間店員問點解唔試下佢哋嘅招牌鹽焗雞? 係用新鮮雞做的。我哋唔係唔想試，而係兩個人都驚食唔晒半雙雞。今晚就唔同，一行三人，整體食力大提升，一於叫番半隻招牌鹽焗雞過過口癮。可能市道唔好，依家呢個晚飯時間都無咩客，如果我哋呢啲有經濟能力嘅人都唔出來消費，呢啲老字號好快又會執多一間。除咗叫咗半雙招牌鹽焗雞之外，仲點咗紅燒豆腐和腰果西芹炒鮮魷。啲餸嘅味道係第道食唔到，是老字號出品嘛，其他集團式酒樓、餐廳無得比。首先，份量絕不欺場，每個都大大碟。碟炒鮮魷鑊氣十足，腰果甘香鬆脆，鮮魷爽口。紅燒豆腐夠大件，間中會有些煎肉碎夾於內，豆腐好嫩滑。個茨汁調得超好味。招牌鹽焗雞果然名不虛傳，雞皮薄唔肥膩，肉質滑，滲透著鹽香味。三個人食半隻雞份量啱啱好。食到飽飽之後，仲有個小驚喜，就係有綠豆沙送。好耐都無食過正宗綠豆沙喇! 正!
今晚就唔同，一行三人，整體食力大提升，一於叫番半隻招牌鹽焗雞過過口癮。可能市道唔好，依家呢個晚飯時間都無咩客，如果我哋呢啲有經濟能力嘅人都唔出來消費，呢啲老字號好快又會執多一間。
除咗叫咗半雙招牌鹽焗雞之外，仲點咗紅燒豆腐和腰果西芹炒鮮魷。
啲餸嘅味道係第道食唔到，是老字號出品嘛，其他集團式酒樓、餐廳無得比。
首先，份量絕不欺場，每個都大大碟。
碟炒鮮魷鑊氣十足，腰果甘香鬆脆，鮮魷爽口。
紅燒豆腐夠大件，間中會有些煎肉碎夾於內，豆腐好嫩滑。個茨汁調得超好味。
招牌鹽焗雞果然名不虛傳，雞皮薄唔肥膩，肉質滑，滲透著鹽香味。三個人食半隻雞份量啱啱好。
招牌鹽焗雞
69 浏览
0 赞好
0 留言
食到飽飽之後，仲有個小驚喜，就係有綠豆沙送。好耐都無食過正宗綠豆沙喇! 正!
张贴
