影片
更多
2007-12-18
6 浏览
這間近年大熱的連鎖壽司店, 係真的做到人龍處處, 閒閒地幾十甚至百幾人排隊. 唉. 難道排一大輪先吃得到的壽司係好吃一點? 當然, 未吃過也不能一口咬定這裡的壽司是不行的. 是晚經過見不用等位, 就直入試一試.這裡的其中一個賣點係那個巨形魚缸, 長長的, 平心而論, 又真係幾有氣勢的, 但係只能係環境一項加分, 又唔係能夠係個巨形魚缸度揀魚吃. 看著看著, 仲見到有條死魚, 泡都無粒, 反而為一眾食客增加景點.迴轉壽司, 當然有條長長的迴轉帶, 但係我們也當然係唔會係那裡揀那些壽司, 也不知轉了幾多個圈了, 令人提不起興趣, 都係剔紙仔好了, 一共揀了八款.軟殼蟹壽司$20: 4分, 軟殼蟹都幾大件的, 體積比件壽司飯差不多大一倍. 但係炸得係完全過了火, 好乾, 又太多粉, 也無乜蟹味. 壽司飯實實的, 也不太對味.蟹肉牛油果壽司$12: 4分, 係一件紫菜包著牛油果同蟹肉各一件. 蟹肉色澤麻麻, 有點怪怪的, 牛油果太酸了.秘製汁火炎玉子$9: 5分, 微微燒過的玉子, 蛋味好像不太足, 秘製汁不知係乜秘製, 但不太特別. 當然講到燒玉子, 另一間一記會好很多.火炎極品黑和牛(A5
這裡的其中一個賣點係那個巨形魚缸, 長長的, 平心而論, 又真係幾有氣勢的, 但係只能係環境一項加分, 又唔係能夠係個巨形魚缸度揀魚吃. 看著看著, 仲見到有條死魚, 泡都無粒, 反而為一眾食客增加景點.
迴轉壽司, 當然有條長長的迴轉帶, 但係我們也當然係唔會係那裡揀那些壽司, 也不知轉了幾多個圈了, 令人提不起興趣, 都係剔紙仔好了, 一共揀了八款.
軟殼蟹壽司$20: 4分, 軟殼蟹都幾大件的, 體積比件壽司飯差不多大一倍. 但係炸得係完全過了火, 好乾, 又太多粉, 也無乜蟹味. 壽司飯實實的, 也不太對味.
蟹肉牛油果壽司$12: 4分, 係一件紫菜包著牛油果同蟹肉各一件. 蟹肉色澤麻麻, 有點怪怪的, 牛油果太酸了.
秘製汁火炎玉子$9: 5分, 微微燒過的玉子, 蛋味好像不太足, 秘製汁不知係乜秘製, 但不太特別. 當然講到燒玉子, 另一間一記會好很多.
火炎極品黑和牛(A5級) $35: 5分, 要了個一生一次系列的火炎極品黑和牛, 仲要係A5級的, 聽落真係幾得的, 一生一次, 除了結婚, 難道就係食這件火炎極品黑和牛? 一客只有一件, $35, 都算係這裡的高消費作品. 文迪見只有一客, 又生生的, 興趣也不大. 當然, 火炎只係輕輕燒一燒, 不吃生牛肉的, 也幾難吃下去. 不過件A5級極品黑和牛的肉質都係一般, 吃落口也不覺甚麼特別靚, 以這價位來講, 唔係幾抵.
火炎海膽蟹棒$22: 4分, 要了兩客創作壽司. 其中一個係火炎海膽蟹棒, 不過這個創作就麻麻了, 燒過後的海膽同蟹棒係連埋一齊, 兩樣的鮮味都係一般, 結合一齊的口感係奇奇怪怪的.
車海老天婦羅露荀$20: 7分, 這個算係比較好的一客創作壽司, 大大隻海蝦, 幾有鮮味, 也炸得剛好, 不會太油. 加上了一條露荀也叫做稍稍減少那份油膩感.
Brad Pitt卷$35: 5分, 要了兩客創作卷物. 叫做Brad Pitt卷, 其實係金倉魚腩, 拖羅同露荀. 無論係金倉魚腩定拖羅都係不太靚, 無乜鮮味, 又當然, 這價位也不能對魚類有太大要求. 不過文迪不吃生的, 小弟連吃四件Brad Pitt卷, 真的吃不消了.
新派鰻魚牛油果卷$22: 6分, 跟Brad Pitt卷的賣相好接近, 只係入面的金倉魚腩同拖羅換上了鰻魚同牛油果, 鰻魚都幾好, 配上牛油果, 其實也幾難失手的, 這裡的也收貨.
食物水準部份不太行, 部份就普普通通, 加上服務以日店來講係不太夠, 也沒有太大機會再來了.
魚缸大把地方有得看.
张贴
