龍津美食

凌晨一點，諗住走去買杯原味珍珠加椰果走冰走珍珠，後生女同我講等陣先，跟住就有個阿姨走埋嚟問我要咩
我照樣講要杯原味珍珠加椰果走冰走珍珠，佢話冇椰果，OK唔緊要咁照買杯走冰嘅原味奶茶呀

佢整咗杯加咗半杯冰嘅奶茶俾我，我就同佢講唔好意思我話走冰喎，佢就話：呢啲奶茶唔加冰唔好飲㗎，你唔好飲啦！跟住就走咗去！

大佬你個牌又冇寫住冇得走冰，我之前幫襯過好多次其他人都比我走冰加椰果走珍珠嘅，我每次都有講咗話走冰先，不如你塊板加返嘢飲冇得走冰啦！做生意做到你咁嘅款佩服啊～☠️