影片
更多
2019-05-31
105 浏览
拍左拖咁耐都未帶過女朋友食好野，上網見到呢度有靚景又有好野食，一年一次拍拖紀念，緊係拿拿聲book位黎浪漫下啦！呢間歐陸fine dining餐廳就係沙灘隔離，有室內位又有室外位，雖然好想坐室外吹住海風食，但因為夏天怕熱最後都選擇坐室內。餐廳入面歐陸裝潢加上輕鬆音樂，都幾有情調。坐底之後經理耐心向我地推介當日既menu, 我地2個人就簡單咁叫左個二人set dinner。頭盤係鮮蝦三文魚墨魚籽酥皮塔同埋西班牙48個月風乾火腿。我個人就好鍾意食個酥皮塔，第一次食呢種酥皮塔 涼涼既三文魚同爽脆既墨魚籽配上鬆軟既酥皮，食落好有層次！餐湯叫左一紅一白，紅湯係甜甜辣辣既匈牙利牛肉湯，又甜又辣簡直刺激我既味蕾，令我胃口大開。偷左女朋友少少白湯黎飲，忌廉菠草湯味道濃郁，仲有菠草蓉係入面，味道好豐富。主菜揀左黑毛豬架配蘋果紅酒燒汁。呢個黑毛豬真係有讚冇彈，我本身對豬既印象都係覺得肉質會較硬，但呢個黑毛豬竟然會有咬落去識溶既感覺，服務員話係用西班牙黑毛豬做，肉質好嫩，真係冇講錯！另外一個主菜係比目魚扒配香草忌廉汁。比目魚扒外皮煎得香脆，而魚扒本身帶有魚油，再配上濃濃既忌廉汁，感覺好幼滑。最後是日精選既甜
呢間歐陸fine dining餐廳就係沙灘隔離，有室內位又有室外位，雖然好想坐室外吹住海風食，但因為夏天怕熱最後都選擇坐室內。餐廳入面歐陸裝潢加上輕鬆音樂，都幾有情調。
坐底之後經理耐心向我地推介當日既menu, 我地2個人就簡單咁叫左個二人set dinner。頭盤係鮮蝦三文魚墨魚籽酥皮塔同埋西班牙48個月風乾火腿。我個人就好鍾意食個酥皮塔，第一次食呢種酥皮塔 涼涼既三文魚同爽脆既墨魚籽配上鬆軟既酥皮，食落好有層次！
餐湯叫左一紅一白，紅湯係甜甜辣辣既匈牙利牛肉湯，又甜又辣簡直刺激我既味蕾，令我胃口大開。偷左女朋友少少白湯黎飲，忌廉菠草湯味道濃郁，仲有菠草蓉係入面，味道好豐富。
主菜揀左黑毛豬架配蘋果紅酒燒汁。呢個黑毛豬真係有讚冇彈，我本身對豬既印象都係覺得肉質會較硬，但呢個黑毛豬竟然會有咬落去識溶既感覺，服務員話係用西班牙黑毛豬做，肉質好嫩，真係冇講錯！
另外一個主菜係比目魚扒配香草忌廉汁。比目魚扒外皮煎得香脆，而魚扒本身帶有魚油，再配上濃濃既忌廉汁，感覺好幼滑。
最後是日精選既甜品朱古力慕絲蛋糕，原本已經好飽覺得食唔落野，但蛋糕味道濃郁又唔會太甜，食下食下就比我食曬😋好食到唔記得咗影相
總結，呢度無論餐廳定風景都令人感到好舒服同放鬆，食物好食有質素，服務員有禮貌又有耐性。咁既價錢真係一個字 抵！只可以話下次一定要再黎過👍🏽
张贴
