戀上台式料理 (已結業)

喺將軍澳放開狗，行過見到一間台式餐廳，因為好少有開放式空間嘅台式餐廳，而餐廳容許狗狗進入開放式範圍，所以就去試吓。餐廳環境同裝修都唔錯而且佢係對住海邊，所以都適合情侶拍拖食飯。另外有少少走Cafe路線，店內設有書架俾大家借閱。滷肉飯配滷水糖心蛋滷肉大粒，半肥瘦，魯肉口感飽滿，香氣四溢，魯肉肉汁幾入味，鹹甜有序。另外加分位是醃蘿蔔，剛好中和了肥肉的膩感。戀上三杯雞一陣陣誘人香噴噴三杯雞酒香令我垂涎三尺，雞肉也非常大塊，雞肉大小適中，肉質嫩滑彈牙，亦都有三個小菜。戀戀蚵仔煎蚵仔的份量十足，粒粒肥美飽滿的蚵仔，雞蛋蛋香十足。芝麻雞翼雞翼皮脆肉嫩又多汁超級香口，值得推介比鍾意食雞翼嘅朋友。黑糖珍珠奶茶佢好貼心咁俾你選擇甜度同冰嘅份量，我揀咗小甜，加埋黑糖珍珠嘅甜味就啱啱好，而且黑糖珍珠熱熱地同冰凍嘅奶茶形成兩種截然不同嘅口感。