#充滿少女心cafe
琴日放假同老公去上環拍拖， 無意之中搵到呢間有花花牆既cafe好多打卡位架！鐘意打卡既朋友仔唔好錯過！重點就係佢地既咖啡可以影任何圖案！我地將一家三口同囡囡linabell既合照印係咖啡上面！ 依家唔係間間cafe可以做到❤️好靚靚到有少少唔捨得飲！
食物我地點咗麻辣薯條，好惹味夠曬刺激！加上熱辣辣，轉眼間就清哂！另外，我地叫咗兩件cake, 我就最鐘意蛋白檸檬撻， 碟上面仲好有心思灑咗啲花瓣，好清新味道好夾又唔太酸👍而我老公鐘意食白桃撻，大大粒白桃果肉係上面，甜甜地有咬口！
