影片
更多
2009-05-30
9 浏览
好友生日，想食好D又唔要太貴，就提議來依個一直好想試的Pink Salmon。另一位朋友早兩日打定電話訂位。成日經過見到個條大咀三文魚都想試，今次終於可以踏入佢既大門喇。可能係個名既問題，一直覺得依度好「中式西餐」既感覺，但原來入面都幾暗幾有情調，周圍都係心心既擺設，連個logo條三文魚後面都有個烈焰紅唇，你都唔好話唔難頂（情侶拍拖可能幾適合既，可能只係我依D冇拖拍既人睇唔過眼）。間私人房就仲浮誇，成個牆紙都係玫瑰。不過其實間房個sofa睇落去好舒服，感覺好cozy的，最衰book唔到房。本來訂左7個位，有人甩底，變左5個。加上因為要等人到齊等左一個鐘先叫野，waitress都冇咩野，算係咁啦。5個人，叫左個四人餐($468)，加多個set dinner(~$80-90)，搞掂。先講四人餐。首先係1/2lb既三文魚生，厚厚的都幾新鮮。跟住就係法包配三文魚醬，法包輕輕烘過不過本身唔係特別好，搽左牛油同三文魚醬後就好食好多，都幾鮮味啦。之後就係湯（or沙律）喇。我加左$20轉左個泡沫三文魚忌廉湯，係用一個咖啡杯裝住，都幾得意。不過飲落冇咩三文魚味，只係一個幾香幾滑既普通忌廉湯! 朋友的羅宋
成日經過見到個條大咀三文魚都想試，今次終於可以踏入佢既大門喇。可能係個名既問題，一直覺得依度好「中式西餐」既感覺，但原來入面都幾暗幾有情調，周圍都係心心既擺設，連個logo條三文魚後面都有個烈焰紅唇，你都唔好話唔難頂（情侶拍拖可能幾適合既，可能只係我依D冇拖拍既人睇唔過眼）。間私人房就仲浮誇，成個牆紙都係玫瑰。不過其實間房個sofa睇落去好舒服，感覺好cozy的，最衰book唔到房。
本來訂左7個位，有人甩底，變左5個。加上因為要等人到齊等左一個鐘先叫野，waitress都冇咩野，算係咁啦。5個人，叫左個四人餐($468)，加多個set dinner(~$80-90)，搞掂。
先講四人餐。首先係1/2lb既三文魚生，厚厚的都幾新鮮。跟住就係法包配三文魚醬，法包輕輕烘過不過本身唔係特別好，搽左牛油同三文魚醬後就好食好多，都幾鮮味啦。之後就係湯（or沙律）喇。我加左$20轉左個泡沫三文魚忌廉湯，係用一個咖啡杯裝住，都幾得意。不過飲落冇咩三文魚味，只係一個幾香幾滑既普通忌廉湯! 朋友的羅宋湯睇落一般，反而另外一個朋友的沙律好似幾大碟唔錯咁...我的$20呀-_-。
四人餐小食有3個。燒豬仔肶既汁係腸粉D甜醬...幾林幾多肉，但燒得唔特別香唔入味。沙嗲串燒豬好林身，汁都OK，算係唔錯。酥炸軟殼蟹唔係話好脆，不過都OK，正正常常咁啦。最鐘意係佢小食旁邊都有少少沙律（仲擠埋沙律醬架），有少少菜食下。
個餐既主菜有兩個。招牌煙三文魚意粉好味，個汁香得來唔會太濃太漏，雖然我會鐘意鮮三文魚多D，但個煙三文魚都唔錯。另外一個係三文魚丼飯，依個就真係好麻麻喇。成個飯都冇咩味道，三文魚唔係特別鮮，又冇咩汁，叫唔過-_-。
甜品有一個雪糕，一件cheese cake同三個雪糕班戟。班戟我試左少少，個皮都唔錯。而個cheese cake就唔係好得，一D都唔香，仲要得甜味，只係靠上面D blueberry先有少少酸味，好唔得。
食物其實唔係話想像中同人地講到咁好，但依個價錢食咁既野同份量，係非常之抵食! 本來想影相，但係太過暗影唔到。
张贴