泰聚 (已搬遷) 新店位置

是日放工老公話想食泰菜，但又唔想搭車去九龍城，話最好係太子附近。收到柯打，立即上網搜尋一下，赫然發現原來花園街尾近界限街有間泰菜館，評語亦不錯，大可一試。餐廳樓底很高，沒甚麼壓迫感，坐得很舒適，平日晚上客人亦不少。天氣酷熱先叫兩杯凍飲降溫，青檸梳打雖然眼見只有一片青檸，但相信青檸肉已放底，味道有很濃青檸味，糖亦落了不少。相反香茅薑蜜已落了幾支香茅，香茅與薑味都很強烈，多放糖亦無可口非。醃肉碎生菜包放入不少檸檬葉同炒，檸檬葉的味道就同食蛇羹的檸檬葉一樣，味道幽香，肉碎辣味十足，生菜新鮮爽脆，作為前菜很開胃。濕炒肉片河河粉略煎帶有少少啡色，有很多不同配菜增添河粉鮮甜味。鹽燒盲鰽用了不少鹽醃，除去外皮內裹魚肉咸鮮嫩滑，魚肚放入香葉、南薑與香茅同燒，不用點醬其實已非常美味，當然愛食辣如老公點辣醬就更加添美味道。泰式千層糕難得的不太甜，入口暖暖的又煙煙韌韌，一道不錯的飯後甜品。下次食泰菜除九龍城外仲可以嚟太子泰聚。