老媽拌麵 (將軍澳中心)

营业中

休息中

老媽拌麵即食麵就食得多，但實體店都係第一次去，朋友話將軍澳開左間實體店，放工係附近緊係要去試下，將軍澳地鐵站行幾分鐘到將軍澳中心1/F,好易揾。個餐牌選擇都唔少，仲係全日都有供應，食拌麵就緊係要食辣先好食，所以就揀左"地獄麻辣牛拌麵"，個職員仲話可以免費加麵底，咁當然要埋，朋友就要左個"豆乳香香雞飯",未試過，覺得幾新奇。"地獄辣牛拌麵" 一上枱，個賣相幾靓，但諗，加左麵？之後撈起d麵時，先發覺好多，至少多左一個麵底，加埋老媽特製既麻辣醬，簡直係絕配，好香好濃，又唔會太咸。"豆乳香香雞飯"未上枱已經聞到樂香既腐乳味，原來豆乳即係腐乳，但出奇地好夾，好好配飯， d香香雞炸到好香口好入味。"炸大雞扒"唔係講笑，真係好大塊，需然同香香雞同一做法，但食雞扒緊係要咁大塊先夠喉，炸得剛剛好，唔會太燶，又唔會好油。"甜不辣"台灣必食，係香港食到既風味同台灣一樣。"黑糖珍珠鮮奶"d珍珠好香黑糖味，好彈牙，唔會太甜。冬瓜檸檬:酸酸甜甜，好清新個感覺，食完油膩野可以清一清口腔。