鶴亀 (已結業)

係尖沙咀行完街，一於試下呢間係漢和街既拉麵，門口同入面裝修都好日式，好有係日本的感覺。六點半入座，客人不算多，但七點開始就多人。由於本人喜歡吃辣，所以試左個辛辣豚骨拉麵。選擇了小辣，辣度剛剛好。而豚肉湯底濃味也剛剛好，唔太油，味道十足。叉燒燒得好入味，十分香口，而溫泉蛋也入口即溶。拉麵的硬度可按個人喜好選擇，我揀了適中。小食點了章魚小丸子，剛剛炸起，熱度剛剛好。章魚也好入味，必食推介。份量不算多，加埋拉麵也好飽。