金鶴拉麵 (荷李活道) (已結業)

是日去中環覆診，經過見到呢間拉麵店。裡面嘅裝修感覺幾地道，有吧枱望住師傅煮，亦有普通坐位。好有日本拉麵店嘅感覺呀。嗌咗個金鶴。雞白湯拉麵。$98一上枱覺得個賣相好靚呀！（可惜，食左2啖先醒起要影相）湯底濃郁嘅雞湯味，唔會太鹹。而拉麵質地軟硬適中。而配菜雞肉同叉燒都好夾個湯底。醫飽肚後就外賣左一份蒲燒鰻魚飯加抹茶軟凍。鰻魚嘅份量都唔少，而且每一塊都好厚肉。咬落好有口感，配上佢嘅醬汁真係好好送飯。而抹茶軟凍口感煙煙韌韌，都幾好食。如果抹茶味可以再重啲就更加完美啦。