團日式拉麵 (已結業)

今日黎到元朗食lunch, 朋友話想食, 我就二話不說話想黎呢間餐廳試，因為實在有太多人話呢間好食。呢間餐廳唔算難搵, 不過如果喺地鐵站行過黎就有少少遠。首先要提提大家,記得要帶cash! 因為佢係好似日本拉麵店咁，要用拉麵機點餸，所以只可以現金比錢。今日我點左櫻花蝦湯拉麵，拉麵係直麵。佢呢度特別之處係有直麵同曲麵揀，直麵同普通拉麵一樣，曲麵就好似公仔麵咁，下次我會試下曲麵，應該會有口感d。櫻花蝦湯拉麵嘅湯底好香櫻花蝦味，同出面拉麵鋪比較，呢度湯底稍為淡左d，無咁濃郁同少左d油香味，如果喜歡個湯輕身d嘅朋友呢度會好適合。(好可惜小妹係重口味，所以略嫌唔夠豐富)