博多一幸舍 (已結業)

本身想食豚王，但係太多人排隊就試下呢間啦。鋪店好光鮮，門口紅木好有日本feel。但唔知點解門口電視播住美食節目既介紹係普通話。點餐方式同一蘭差不多，自己填表，樣樣都有得自訂，湯底，面既軟硬，油份，toppings 都有揀。每碗拉面本身跟一塊叉燒，芽菜，木耳絲同蔥花。我叫左一碗博多濃厚豚骨拉面，普通油份，加溏心蛋同紫菜。叉燒同溏心蛋好好食，叉燒好林，溏心蛋係一整隻，唔係出面個啲半隻。佢都幾大碗，普通油份ok油，食落好膩。