一生懸麵

营业中

休息中

之前已经听讲呢间拉面好食，今次终于同朋友试试佢，午市排一阵队好彩都好快入座，座无虚席，我点左海老拉面加鸡软骨棒小食，佢地拉面有得拣面质硬度，仲有走葱走荀可以一次过写晒，虾汤拉面真心高质，汤底味道非常浓郁，我仲拣左加叉烧都只系加18蚊，佢地既叉烧系半肥瘦，分布平均，入口先有层脂肪后一层瘦肉，鸡软骨串平时好少见，咬落非常有口感，沾埋沙律酱一流，我朋友就点左白汤豚骨拉面，同样都话好高质，半熟溏心蛋必食，蛋黄浆连埋热腾腾香浓猪骨汤一齐食，满满既幸福感呀，小食叫埋个烧饺子，配酸酸甜甜既饺子汁，皮簿又脆，好食好食，饮品就推介特色蜜桃红茶有气茶，2个人午市食咁多野埋单都只系271，个人认为性价比极高！😍