宮葉 パフェ (已結業)

其實間野應該係食日本拉麵⋯⋯但係我係俾甜品啲圖吸左入嚟🤤身為綠茶控一見到啲綠茶宇治金時就失去理智。入到黎見到啲葩菲甜品仲有軟雪糕🤤揀咗好耐都唔知食邊個好。本來諗住有茶雪糕果幾款，問一問個侍應哥仔，原來上面啲軟雪糕係可以轉味嘅咁即刻就多咗好多野揀🙈選擇困難嘅我同個舊同學揀左超耐🤦🏻‍♂️果幾頁俾我地左揭右揭🙄好艱難咁先揀到杯雜果雪糕葩菲，同學仔食香蕉葩菲當然都係轉做綠茶軟雪糕😍個賣相...點解會咁嘅😅因爲個杯太唔靚⋯⋯圖片只供參考，算啦好食就得，軟雪糕其實唧到好高，超軟好滑但茶味就唔出，亦都因為佢太玩我個匙羹一篤落去嘅時候個雪糕就冼咗落枱喇🙈🙈🙈咁就無左一大截，有條蛋捲仔，雜果火龍果奇異果西瓜芒果士多啤梨就每樣生果一片🙄下面啲椰果好多、米通就好脆，增加左唔同口感，好味抵食既，所以門口成日都有一條人龍，但呢度其實好迫，張枱好細，我坐既位啱啱喺啲高身bar枱隔離，個頭成日撞到高枱轉角位😒