影片
更多
2023-01-31
32 浏览
僕之拉麵今日中午去咗旺角食僕之拉麵，之前bookmark咗好耐，終於今日打波前去食，呢間拉麵店門口有一級，又要出動自己塊斜板，不過呢間拉麵店要L形入去先到座位，輪椅人士入去要小心，好考駕駛技術！😎1.肉愛食者拉麵$120（9/10）呢碗拉麵真係勁多叉燒，入面有8大片，角切叉燒都有接近20舊，仲有蔥、味筍同味付雞蛋，湯底可以揀豚骨濃湯或豚骨清湯，我就揀咗濃湯，店員話湯底係用幾十kg豬骨淆製，湯底十分濃郁，好傑身，拉麵麵條粗幼度適中，叉燒又唔難，油脂分佈均勻，味筍爽彈，味付雞蛋又滑，成碗拉麵性價比超高！2.牛肉可樂餅$36（9/10）呢個牛肉可樂餅有2件，甜甜地，幾好味！3.蟹肉忌廉可樂餅$36（9/10）呢個蟹肉可樂餅有2件，炸得啱啱好，食到有少少蟹肉，甜甜地，幾好味！4.炸雞4件$38（9/10）炸雞外皮炸超脆，肉質非常juicy，我就加咗七味粉，就好似食緊炸辣雞咁！😂😂😋5.炸章魚丸$30（7/10）一共有6粒炸章魚丸，炸粉多咗少少，每粒章魚丸都有一粒章魚粒，外脆內軟，加咗木魚絲同紫菜更好味！6.炸章魚$30（9/10）一碟有8舊，炸粉好薄，章魚炸到好爽口彈牙，完全唔韌，非常抵食！2
今日中午去咗旺角食僕之拉麵，之前bookmark咗好耐，終於今日打波前去食，呢間拉麵店門口有一級，又要出動自己塊斜板，不過呢間拉麵店要L形入去先到座位，輪椅人士入去要小心，好考駕駛技術！😎
1.肉愛食者拉麵$120（9/10）
呢碗拉麵真係勁多叉燒，入面有8大片，角切叉燒都有接近20舊，仲有蔥、味筍同味付雞蛋，湯底可以揀豚骨濃湯或豚骨清湯，我就揀咗濃湯，店員話湯底係用幾十kg豬骨淆製，湯底十分濃郁，好傑身，拉麵麵條粗幼度適中，叉燒又唔難，油脂分佈均勻，味筍爽彈，味付雞蛋又滑，成碗拉麵性價比超高！
2.牛肉可樂餅$36（9/10）
呢個牛肉可樂餅有2件，甜甜地，幾好味！
3.蟹肉忌廉可樂餅$36（9/10）
呢個蟹肉可樂餅有2件，炸得啱啱好，食到有少少蟹肉，甜甜地，幾好味！
4.炸雞4件$38（9/10）
炸雞外皮炸超脆，肉質非常juicy，我就加咗七味粉，就好似食緊炸辣雞咁！😂😂😋
5.炸章魚丸$30（7/10）
一共有6粒炸章魚丸，炸粉多咗少少，每粒章魚丸都有一粒章魚粒，外脆內軟，加咗木魚絲同紫菜更好味！
6.炸章魚$30（9/10）
一碟有8舊，炸粉好薄，章魚炸到好爽口彈牙，完全唔韌，非常抵食！
2人總共價錢$290
個人口味總評分：8.66/10
@boku_no_ramen
地址：旺角豉油街74號地舖
#僕之拉麵 #拉麵 #香港美食 #旺角美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
